الجيل اللي جاي دا هيعاني من خلل رهيب في التربية،زمان كان عندي امل إن جلينا هو اللي يحرر القدس -فاكرينه ولا اتنسى في زحمة السياسة؟- ولكن جيل بالاخلاق دي والانفلات دا، ماعتقدش يحرر بلد صغيرة
لكن الجيل اللي جاي -جيل المهرجانات- دمر اي امل باقي ليا....
إذا في يوم جالك استدعاء ولي امر عشان ابنك قال لمدرسه يا عر* متزعلش منه لإن دي تربيتك، خصوصاً إذا برر وقالك إن عمر بن الخطاب قال"امصص بظر اللات"
مش مهم إن الحديث دا يستدل بيه على جواز ذِكْر الاعضاء التناسلية والتصريح بها وماكنش وجه الإستدلال هو جواز السب والشتيمة!
هيقولك ما انا اتظلمت و باسقط هيبة المدرس وسط الطلاب وبينا وبين العر* صراع تاريخي
اصل دي تربيتك
لو مامته اشتكت منه وقالت بيقول عليا حيوانة وهو قالك انا باوصفها مش باشتمها متزعلش!
اصل دي تربيتك!
لو لقيته مجرد مايزعل من اخته يقول عليها شوفتها مصاحبة فلان بالكدب وبعدين يقولك اصل الحرب خدعة ومباح الكذب فيها متزعلش!
اصل دي تربيتك
اصل دي تربيتك
لما تلاقيه حرض زمايله في المدرسة على كسر الابواب وهو اول واحد يطلع يجري ويهرب ويسيبهم يواجهوا هم مصيرهم ويقولك ايه يعني ماسيدنا موسى هرب متزعلش!
اصل دي تربيتك
اصل دي تربيتك
وبعد كل مصيبة هيبررلك بتبرير انت نفسك بررت بيه في يوم من الايام!
اهنيك....
لا بجد أهنيك
والله لازم اهنيك
انت معرفتش تربي
انت معرفتش تربي
ليست هناك تعليقات:
إرسال تعليق