بيقولك فيه حمار عايش في زريبة فوق جبل عالي
مش مهم قوي انها زريبة، ماهو حمار مش فارقة معاه.
حمار و ابن حمار وهيفضل طول عمره حمار!
وكعادة كل الحمير مش فارق معاه غير إنه ياكل تبن ويشرب مية و يتركب
اينعم هو بيتركب بس بيتركب بمزاجه
لانه حمار وابن حمار وهيفضل طول عمره حمار
في يوم جه حد ولع في باب الزريبة ومات فيها جحش في الزريبة
نهق شوية ونسي و رجع ياكل تبن ويشرب مية ويتركب بمزاجه لانه حمار وابن حمار وهايفضل طول عمره حمار
تاني يوم ولع في الزريبة كلها وساب شباك صغير
صاحبك الحمار مكنش قدامه غير انه ينط من الشباك فوقع من فوق الجبل فمات!
بيقولك الحمار خاف
بيقولك مدافعش عن نفسه
بيقولك باب الزريبة كان مفتوح، بس الخوف منعه انه يشوفه
اخر حاجة الناس سمعوها من الحمار: عاوز اكل تبن واشرب مية واتركب بمزاجي
لاني حمار..
وابن حمار..
وبتركب بمزاجي..
***
بيقولك الجملة دي في لغة الحمير لما تترجم بالعربي معناها:عيش،حرية،عدالة اجتماعية
ليست هناك تعليقات:
إرسال تعليق